E Kummedi

Ernschd un Egon juumre uff alemannisch

*Ernschd* (deewert lutt): Fixedunderwäddr, wu stecksch due widdr, due Kärli, allritt kummsch z'schboot! Jezd dummel dich mol!
*Egon* (kummt grännt, kanns kuum verschnuufe): Welli Zitt hämmer? Jegerlisnai, wardsch schue lang?
*Ernschd:* I ward schu iwwer e halwi Schdund, wiä jeds Mol in de ledschdi Wuche. Jezd bin i doch e bissili wunderfitzig? Was firgi Kalamidäde hesch dänn due uff aimol?
*Egon:* Un, worum bisch due dänn so hinderezvir? Wiä siehsch due iwerhaupt uss?
*Ernschd:* Wunderts dich noch? Drwilschd i uff dich gwardet habb, bi däm Pfluddrwäddr, do sinn bi mir sogar d'Karde im Hosesack uffgwaicht. Luig, alles bäbbt ammer, au s Fadzenäddli isch bätschnass.
*Egon:* Oh, jeh, schdimmt, hit Morge hämmer jo ussgmacht, um dreii dreffe mr uns do uff däm Bänkli, Cego schbiele, i kann nix defir..... , au wänns so gschiddet hett.
*Ernschd:* Awer worum kummsch niä uff d'Zitt, mir gehn doch nimmi schaffe. I mueß dr ehrlig emol d'Levidde vrläse! Jezd riss dich am Riieme! Oddr hesch zleschd Maläschde?
*Egon:* Nai, sell nit.
*Ernschd:* Blooge dich Bräschde?
*Egon:* Nai, sell au nit!
*Ernschd:* Macht s Klärli Schagrille?
*Egon:* Herrschaftsnai, au dess nit! I habb Kummedi!
*Ernschd:* Mit wem hesch jezd due Kummedi?
*Egon:* Wurschs nit glauwe, i habb Kummedi mid de Zitt.
*Ernschd:* Was heißt mid de Zitt?
*Egon:* Waisch, i habb dess Freijohr minni Uhre, ludder neijmodischi, nimmi uff d'Summerzitt umgschdellt. Awer siterhär mueß i rächne un zeehle. D'Uhr in de Kuchi isch als sowieso zehn Minudde vorgange. Un in de Schdubb, wu i selli verschdelle habb welle, ums Verregge ischd nit gange. De Jung hett gmaind, i sei z'dabbig defir. Sunschd hett är mir als gholfe, awer niä ischs bi ihm gange. Do habb i mir halt dänkt, au im Schbootjohr bruch-i dess Gschiss midde Umschdellerei nimmi midmache.
*Ernschd:* Mach, was de witt, awer an dinnrer Schdell dät i widdr eiri ald Guggucksuhr russhole. D' Kett ruff un raa ziehge, mol an de Zaiger drähe, dess wursch noch naakriiege!
*Egon:* Fixegranate, hesch rächd, dess isch e Hafekäs degege!